RECUPERA: sistema de apoio para a recuperación de funcionalidades de pacientes afectados por dano neurolóxico
Orzamento: 862.390,17. Cofinanciado pola Unión Europea (Fondos FEDER) e a Axencia Galega de Innovación co apoio da Consellería de Economía, Emprego e Industria da Xunta de Galicia ata un importe de 456.636,17 €.
Convocatoria: Conecta Peme 2016 (Procedemento IN852A)
Socios: Colaboración intersectorial
O consorcio, liderado por Balidea (empresa do sector TIC que desenvolve e integra software en contornas sanitarias), complétano DGH (enxeñería de desenvolvemento de solucións robotizadas a nivel industrial), FICCIÓN (entidade dedicada á produción audiovisual e ao deseño de contornas visuais), I3TE (enxeñería de desenvolvemento de solucións a medida para adquisición simultánea de sinais) e, por último, Povisa (hospital privado máis grande de España que se encargará da validación clínica do sistema desenvolvido).
Esta agrupación de empresas conta coa colaboración de Aimen Centro Tecnolóxico.
Descrición: O proxecto RECUPERA propón unha nova solución, baseada na combinación da robótica con contornas virtuais inmersivas de rehabilitación, para o seu uso na recuperación da mobilidade das extremidades superiores de pacientes con necesidades de rehabilitación neuromotora, co obxectivo principal de poder levar a cabo ensaios clínicos en persoas con patoloxías neurolóxicas.
RECUPERA nace como continuación do proxecto FISIOROB onde se desenvolveu un primeiro prototipo funcional que asegura a viabilidade de utilizar unha solución robotizada colaborativa xunto con realidade virtual en sesións de rehabilitación.
Este sistema robotizado modular permitirá asistir aos pacientes en todas as fases de recuperación, desde a máis crítica cando o paciente non ten capacidade neuromotora apreciable, pasando pola etapa onde se ten capacidade de movemento, pero non resistencia, ata a fase previa á alta médica cando o paciente ten capacidade suficiente de movemento, pero un escaso control motriz.
Principais fitos acadados
Nesta última anualidade do proxecto conseguiuse finalizar o desenvolvemento, centrándose na integración dos principais subsistemas, conseguindo un prototipo totalmente funcional que aúna o desenvolvemento dos principais alicerces sobre os que se baseou RECUPERA: unha contorna de Realidade Virtual con exercicios avanzados, un sistema de sensores inerciais para a localización en 3D, un control mellorado e un sistema informático que integra control, interface gráfica e almacenamento en BBDD.
Así, por parte de Ficción Producións traballouse na finalización da contorna de realidade virtual, así como en acabar todos os exercicios que se expuxeron ao comezo do proxecto. O acabado final dos exercicios consegue outorgarlle un alto grao de realismo á contorna na que se desenvolven cada un deles.
I3TE finalizou o desenvolvemento hardware dos sensores inerciais que permiten a localización no espazo do brazo san, así como dos obxectos reais que se poidan utilizar nos exercicios definidos para ese efecto. Así mesmo, realizouse a implementación da parte software co obxectivo de filtrar as medidas adquiridas e conseguir a precisión necesaria na localización.
Balidea traballou na finalización de dous importantes desenvolvementos dentro do proxecto. Por unha banda, a optimizouse e evolucionouse a interface gráfica ata obter os obxectivos definidos ao comezo do proxecto. Ademais, finalizouse tamén a base de datos encargada de almacenar os resultados de cada exercicio, para a súa posterior análise e comparación entre pacientes. Como segundo desenvolvemento Balidea conseguiu desenvolver un novo sistema de análise de vídeo aplicado ás terapias de rehabilitación.
DGH, co soporte de Aimen, centrouse na modificación e a optimización de movemento do brazo robótico, adaptándose ao espazo existente para cada exercicio, o cal é relativamente pequeno, necesitando unhas velocidades baixas de movemento, así como dunha alta precisión. Ademais, a optimización conseguida permitiu reducir o tempo de aprendizaxe para novos pacientes.
Nesta última anualidade realizáronse probas con persoas sas, co obxectivo de demostrar que o aparello mostra información obxectiva de valores cinéticos e cinemáticos, que non é lesivo e que os parámetros poden mellorar co adestramento. Ademais, grazas a estas probas xeraranse patróns de comportamento que permitirán comparativas entre pacientes reais e os datos de persoas sas.
Prototipo final de RECUPERA.
Proxecto cofinanciado pola Axencia Galega de Innovación ( GAIN) e apoiado pola Consellería de Economía, Emprego e Industria da Xunta de Galicia, a través do programa Conecta Peme para fomentar a cooperación entre as pemes e os demais axentes do Sistema rexional de innovación, cofinanciado polo Fondo Europeo de Desenvolvemento Rexional (FEDER) da Unión Europea.
Avellentamento activo, Consultoría, Desenvolvemento, Xestión, I+D+i, Internacional, Mobilidade, Outsourcing, Saúde
Consultoría, Desenvolvemento, Xestión, Intranet, Java, Outsourcing, Portal web, Saúde pública, Soporte
Consultoría, Desenvolvemento, Drupal, Eficiencia enerxética, Internacional, LAMP, Outsourcing, Portal web
Consultoría, Desenvolvemento, Xestión, Intranet, Java, Outsourcing, Portal web, Sistemas
Consultoría, Desenvolvemento, Xestión, Saúde
Desenvolvemento, Xestión, Java, Outsourcing, Portal web
Desenvolvemento, Drupal, Intranet, LAMP, Outsourcing, Portal web
Desenvolvemento, Xestión, Sistemas, Soporte
Desenvolvemento, Xestión, Intranet, Outsourcing, Saúde
Avellentamento activo, Consultoría, Desenvolvemento, Xestión, I+D+i, Mobilidade, Outsourcing, Saúde
Consultoría, Desenvolvemento, Xestión, I+D+i, Internacional
Consultoría, Desenvolvemento, Xestión, I+D+i, Internacional, Intranet, Sistemas
Avellentamento activo, Consultoría, Desenvolvemento, Xestión, I+D+i, Saúde
Consultoría, Desenvolvemento, Eficiencia enerxética, I+D+i, Java, Mobilidade
Desenvolvemento, Drupal, Internacional, LAMP, Outsourcing, Portal web
Desenvolvemento, Intranet, Outsourcing, Portal web, Saúde
Desenvolvemento, Xestión, Java, Liferay, Outsourcing, Portal web
Desenvolvemento, Drupal, LAMP, Outsourcing, Portal web
Consultoría, Desenvolvemento, Xestión, I+D+i, Mobilidade, Outsourcing, Saúde
Consultoría, Desenvolvemento, Drupal, Internacional, LAMP, Outsourcing, Portal web, Soporte
Consultoría, Desenvolvemento, Drupal, Xestión, Internacional, Java, LAMP, Outsourcing, Portal web, SharePoint
Desenvolvemento, Intranet, Portal web, Saúde, Saúde pública, SharePoint
Consultoría, Desenvolvemento, Intranet, Portal web, Saúde, Saúde pública, SharePoint, Soporte
Desenvolvemento, Eficiencia enerxética, I+D+i
Desenvolvemento, Saúde pública, Sistemas, Xestión